Tímabundin lokun í Mars 2022

Frá kl. 17:00 föstudaginn 4. mars til kl. 22:59 sunnudaginn 6. mars 2022 fer fram víðtæk viðhaldsvinna hjá CAB, sem hefur áhrif á flesta þjónustuþætti okkar, þar á meðal CABAS og CAB Plan. Þar af leiðir að þessir þjónustuþættir verða ekki í boði á tilgreindu tímabili.

Um lokun

Lokunin hefst kl. 17:00 föstudaginn 4. mars og stendur þann dag, laugardag og sunnudag. Lokunin tekur til CABAS og CAB Plan, en mun einnig hafa áhrif á aðra þjónustuþætti, svo sem sjálfvirk svör (Auto Reply) og bókanir á tjónaskoðun (Damage Inspection Booking).

Hvers vegna lokar CAB tímabundið?

Ástæðan fyrir lokuninni er flutningur á rekstrarumhverfi CABAS og CAB Plan (CSP) yfir í skýjaþjónustu Microsoft Azure. Með því gefst okkur tækifæri til að þróa vörur okkar og styrkja upplýsinga- og rekstraröryggi kerfa okkar enn frekar. Þetta gerum við til að skapa enn meira viðskiptavirði og bæta notendaupplifun þína sem viðskiptavinar. Við lítum á þetta sem veigamikinn áfanga í þróun CABAS og CAB Plan, sem leggur grunninn að reikni- og skipulagsverkfærum okkar.

Engar sýnilegar breytingar

Þessi uppfærsla mun ekki hafa í för með sér neinar sýnilegar breytingar á hugbúnaði okkar. CABAS og CAB Plan verða aðgengileg á ný á mánudagsmorgun. Sem notandi þarftu ekki að gera neinar breytingar á stillingum, svo fremi að upplýsingatækniumhverfið þitt uppfyllir kerfiskröfur okkar. Frekari upplýsingar um kröfur til netkerfa er að finna hér:

Technical network specification

Meðhöndlun gagna og persónuupplýsinga

CAB leggur ríka áherslu á upplýsingaöryggi. Við tökum persónuvernd mjög alvarlega og markmið breytinganna er m.a. að geta tryggt þínum gögnum enn betri vernd en verið hefur. Í tengslum við breytingar á rekstrarumhverfi höfum við gert ýmsar ráðstafanir til að starfsemi okkar samræmist gildandi lögum og starfsvenjum (til dæmis GDPR og Schrems II-dómnum). Öll gögn eru geymd innan ESB/EES og eru dulkóðuð samkvæmt gildandi tilmælum. Við erum með ISO-/IEC 27001-vottun og vinnum jafnt og þétt að því að tryggja stöðugleika og öryggi í kerfum okkar.

Frekari upplýsingar er að finna í persónuverndarstefnunni okkar. External link.

Hafa samband

Ef þú hefur frekari spurningar eða áhyggjur þessu tengdar skaltu hafa samband við tengiliðinn þinn hjá CAB Group eða þjónustuverið okkar, á netfanginu support@cabas.is.